San Pancrazio Salentino

'A Wikipedia.
Jump to navigation Jump to search
Incubator-logo.svg
Questa pagina fa parte dell'INCUBATOR DI NAP.WIKI per i dialetti italiani meridionali non direttamente napoletani
Wikipedia-logo-nap.png

A Sammangrazziu è vveru ca nci stannu diecimila e ddispiri cristiani ma è ppuru veru ca allu paisi nuesciu no ssi parla alla napulitana, alla fuggiana o alla ggiargianesi. Quindi ciunca oli cu sciungi auri notizzi, eti buenu cu faci squarche ricerca seria e ccu si maniscia. Quistu cu bbi mmosciu comu parlamu nui sammangrazziesi. Lu paisi ti Sammangrazziu si troa a quattordici chilomitri ti lu mari (Ionio), a cinquanta chilomitri ti Taruntu, a trenta e dispiri chilomitri ti Lecci e auruettanti ti Brinnisi. Nsinu allu millenvecentuvintittreti nui ermu ti la provincia ti Lecci, la terra ti Otrantu, comu ulimu lla chiamamu... Poi è rriatu ddrhu uastasi ti Musulinu e bbemmu ddintati ti la provincia di Brinnisi. Lu paisi teni la chiesa ti Sant'Antoni (l'ennu ggiustata ca ai picca..) ca eti 'ntica (XIII sec) la Chiesa Madre (San Francesco d'Assisi) ca eti cchiu nnoa (Sec. XIX). Alla contrata di Sant'Antoni alla Macchia, subbra la strata ti la Torri (Torre Santa Susanna) nceti lu Santuariu e squarche ggrotta ti li monici (Basiliani). Alli Castelli - subbra la strata ti Lecci, cchiù o menu.. - ennu truatu lu paisi ecchiu, ennu rriati certi professori olandesi e bbennu fattu li scavi.. sembra ca era cchiu importanti ti Egnazia, ma li cuntatini no nni capìunu nienti ( e ccè nni sapìunu ddrhi cristiani..) e bbennu frisatu e aratu la terra pi ttanti anni. Ma li olandesi ennu capitu lo stesso ca nc'era quarche pariti anticu e quarche pignata (vasellami vari) e quarche ozza (frammenti di otri di epoca micenea). Moi ennu mmucciatu tuttu e sta spittamu perchisà.. ci essunu li sordi cu facimu nu situ archeologgicu.. Allu centru ti lu paisi nci stannu li strittuli (vicoli e strade strette) e ppoi tinimu puru lu castellu. Ca poi sarebbe la casa ti l'arcivescuvu (XV-XVI sec.) ca inìa ti Brinnisi a Sammangraziu perchè ticìa ca tannu l'aria era fina. Si stìa cchiu frischi. E bbeggiu cuntatu lu fattu. E mmoi.. a cciunca sapi squarche aura cosa cu ssì faci annanti!!